سری نگر ، 7 مارچ (سیاست ڈاٹ کام ) شمالی کشمیر کے ضلع کپواڑہ کے کرال گنڈ ہندواڑہ میں ہونے والے ایک شبانہ مختصر مسلح تصادم میں ایک جنگجو مارا گیا ہے ۔ذرائع نے بتایا کہ فوج اور دیگر فورسز نے گذشتہ رات دیر گئے بدرا پائین کرال گنڈ ہندواڑہ میں جنگجوؤںکی موجودگی سے متعلق خفیہ اطلاع ملنے پر مذکورہ علاقہ میں کارڈن اینڈ سرچ آپریشن شروع کیا۔ انہوں نے بتایا کہ تلاشی آپریشن کے دوران علاقہ میں موجود جنگجوؤںنے فوج پر فائرنگ کی، فوجی اہلکاروں نے فوری طور پر پوزیشنیں سنبھال کر جوابی فائرنگ کی جس میں ایک جنگجو مارا گیا۔
