برلن۔ 29 اکٹوبر (سیاست ڈاٹ کام) چانسلر جرمنی انجیلا مرکل نے آج انسانی حقوق کارکنوں سے اپنے دورہ چین کے پہلے دن تبادلہ خیال کیا ۔ ان کے ترجمان نے کہا کہ پہلے دن کے دورہ کے اختتام پر انجیلا مرکل نے چینی شہری معاشرے کے انسانی حقوق کارکنوں ، وکلاء ، مصنفین اور بلاگر سے ملاقات کی ۔ ان کے ترجمان اسٹیفن سی برٹ نے کوئی تفصیلات کا انکشاف نہیں کیا ۔ تاہم کہا کہ ان کے دورہ سے پہلے بحیثیت عمومی تمام جلسوں میں چینی عہدیداروں ، انسانی حقوق کارکنوں ، قانون کی حکمرانی اور جمہوریت سے متعلق مسائل نے اہم کردار ادا کیا ہے ۔ لیکن وہ تفصیلات بیان نہیں کرنا چاہتے ۔ چین کے کمیونسٹ عہدیداروں نے ملک کے ایسے عناصر کے خلاف کارروائی شروع کررکھی ہے جو شہری معاشرے میں ابھر آئے ہیں۔
