حیدرآباد ۔ 10 سپٹمبر ( پریس نوٹ ) مرکزی رویت ہلال کمیٹی صدر مجلس علماء دکن کا ماہانہ اجلاس بضمن رویت ہلال ماہ محرم الحرام ۱۴۴۰ زیرنگرانی حضرت مولانا سید محمد قبول بادشاہ قادری الشطاری معتمد صدر مجلس علمادکن آج شام حسینی بلڈنگ‘ معظم جاہی مارکٹ منعقد ہوا۔ شہر میں مطلع ابرآلود تھا‘ چاند نظر نہیں آیا۔ رویت ہلال کمیٹی گلبرگہ شریف ‘ رائچور‘ ورنگل‘کڑپہ ‘ سنگا ریڈی‘ خانقاہ نجیبیہ پٹنہ‘ دہلی اور چنائی سے مطلع ابرآلود ہونے اور چاند نظر نہیں آنے کی اطلاعات ملیں۔ نیز نرمل‘ ناندیڑ اور سورت (گجرات) میں مطلع صاف ہونے کے باوجود چاند نظر نہیں آیا۔ لہذا تحت احکام شرعیہ مرکزی رویت ہلال کمیٹی صدر مجلس علماء دکن اعلان کرتی ہے کہ 11 سپٹمبر 2018 بروز منگل ۳۰ / ذی الحجۃ الحرام ۱۴۳۹ ھ ہوگی۔ اجلاس میں حضرت مولانا سید محمد قبول بادشاہ قادری الشطاری ‘ حضرت مولانا مفتی محمد عظیم الدین‘ حضرت مولانا مفتی خلیل احمد‘ حضرت مولانا سید کاظم پاشاہ قادری الموسوی‘ حضرت مولانا سید حسن ابراہیم حسینی سجاد پاشاہ قادری‘ حضرت مولانا سید محمود بادشاہ قادری زین کلاء ‘ حضرت مولانا سید حامد محمد افتخار پاشاہ قادری و قاضی سید نور اللہ فاروق عارفی نے شرکت کی۔
شیعہ علما کا بیان
٭ سید علی اصغرجعفری صاحب کی اطلاع کے مطابق کُل ہند شیعہ مجلس علماء و ذاکرین نے اعلان کیا ہیکہ شہر حیدرآباد میں چاند نظر نہیں آیا اور نہ ہی کہیں سے رویت کی اطلاع ملی ہے ۔ لہذا 11ستمبر 2018ء سہ شنبہ کو 30ذی الحجہ ہوگی اور 12ستمبر 2018ء چہارشنبہ کو یکم محرم 1440ھ ہوگی ۔اس کی تصدیق حسب زیل علما نے کی ہے ۔ مولانا ڈاکٹر سید نثار حسین حیدر آقا ‘ مولانا رضا عباس خان ‘مولانا سید جلال حیدر ‘ مولانا عسکری علی خان اورمولاناسید جواد عابدی ۔
