چاند نظر آگیا

مرکزی رویت ہلال کمیٹی کا اعلان
حیدرآباد۔/10 اکٹوبر، ( پریس نوٹ ) مرکزی رویت ہلال کمیٹی صدر مجلس علماء دکن کا ماہانہ اجلاس بضمن رویت ہلال ماہ صفر المظفر 1440ھ زیر نگرانی حضرت مولانا سید محمد قبول بادشاہ قادری الشطاری معتمد صدر مجلس علماء دکن آج شام حسینی بلڈنگ معظم جاہی مارکٹ میں منعقد ہوا۔ شہر میں چاند نظر آگیا۔ رائچور و ورنگل سے عدم رویت کی اطلاع ملی۔ البتہ رویت ہلال کمیٹی گلبرگہ شریف، محبوب نگر، ممبئی و سورت سے چاند نظر آنے کی اطلاعات ملیں۔ خانقاہ مجیبیہ پٹنہ سے اطلاع ملی کے وہاں عام رویت ہوئی ہے۔ لہذا تحت احکام شرعیہ مرکزی رویت ہلال کمیٹی صدر مجلس علماء دکن اعلان کرتی ہے کہ بتاریخ 11 اکٹوبر 2018ء بروز جمعرات یکم صفر المظفر 1440 ھ ہوگی۔ اس اجلاس میں حضرت مولانا سید محمد قبول بادشاہ قادری الشطاری ، حضرت مولانا مفتی محمد عظیم الدین، حضرت مولانا مفتی خلیل احمد، حضرت مولانا سید کاظم پاشاہ قادری الموسوی، حضرت مولانا سید ابراہیم حسینی سجاد پاشاہ قادری، حضرت مولانا سید محمود بادشاہ قادری زرین کلاہ، حضرت مولانا سید حامد محمد افتخار پاشاہ قادری، حضرت مولانا سید اولیاء حسینی مرتضیٰ پاشاہ قادری اور جناب قاضی سید نور اللہ فاروقی عارفی نے شرکت کی۔
شیعہ علماء کا بیان
٭٭ سید علی اصغر جعفری نے اعلان کیا ہے کہ کُل ہند شیعہ مجلس علماء و ذاکرین نے اعلان کیا ہے کہ شہر حیدرآباد میں چاند نظر آگیا ہے لہذا 11 اکٹوبر 2018ء پنجشنبہ کویکم صفر المظفر 1440 ھ ہوگی۔ اس کی تصدیق حسب ذیل علماء نے کی ہے۔ مولانا ڈاکٹر سید نثار حسین حیدر آقا، مولانا رضا عباس خان، مولانا سید جلال حیدر، مولانا عسکری علی خان اور مولانا سید جواد عابدی۔