حیدرآباد ۔ 14 ۔ جولائی : ( پریس نوٹ) : مرکزی رویت ہلال کمیٹی صدر مجلس علماء دکن کا ماہانہ اجلاس بضمن رویت ہلال ماہ ذیقعدہ الحرام 1439 زیر نگرانی حضرت مولانا سید محمد قبول بادشاہ قادری الشطاری معتمد صدر مجلس علماء دکن آج شام حسینی بلڈنگ معظم جاہی مارکٹ میں منعقد ہوا ۔ شہر میں مطلع ابر آلود تھا چاند نظر نہیں آیا ۔ رویت ہلال کمیٹی گلبرگہ شریف ، ورنگل ، نلگنڈہ ، اورنگ آباد اور ناندیڑ میں بھی مطلع ابر آلود تھا اور چاند نظر نہیں آنے کی اطلاعات ملیں ۔ البتہ پٹنہ ، جھارکھنڈ کے علاقوں کے علاوہ چینائی و ٹاملناڈو کے اکثر مقامات پر چاند نظر آنے کی اطلاعات ملیں ۔ لہذا تحت احکام شرعیہ صدر مجلس علماء دکن اعلان کرتی ہے کہ بتاریخ 15 جولائی 2018 ء بروز یکشنبہ یکم ذیقعدہ الحرام 1439 ھ ہوگی ۔ اس اجلاس میں حضرت مولانا سید محمد قبول بادشاہ قادری الشطاری ، حضرت مولانا مفتی محمد عظیم الدین ، حضرت مولانا مفتی خلیل احمد ، حضرت مولانا سید حسن ابراہیم حسینی سجادہ پاشاہ قادری ، حضرت مولانا سید محمود بادشاہ قادری زرین کلاہ اور حضرت مولانا سید حامد محمد افتخار پاشاہ قادری نے شرکت کی ۔۔
چاند نظر آگیا
سید علی اصغر جعفری نے اطلاع دی ہے کہ کل ہند شیعہ مجلس علماء و ذاکرین نے اعلان کیا ہے کہ ہندوستان کے کئی مقامات سے رویت ثابت ہوئی لہذا 15 جولائی 2018 کو یکم ذیقعدہ 1439 ھ ہوگی ۔ اس کی تصدیق حسب ذیل علماء کرام نے کی ۔ مولانا سید نبی حسن زیدی ، مولانا ڈاکٹر سید نثار حسین حیدر آقا ، مولانا رضا عباس ، مولانا سید جلال حیدر ، مولانا عسکری علی خاں اور مولانا سید جواد عابدی ۔۔