حیدرآباد ۔ 19۔ مئی (پریس نوٹ) مرکزی رویت ہلال کمیٹی صدر مجلس علماء دکن کاماہانہ اجلاس بضمن رویت ہلال ماہ شعبان المعظم 1436 ھ زیر نگرانی حضرت مولانا سید محمد قبول بادشاہ قادری الشطاری معتمد صدر مجلس علماء دکن آج شام حسینی بلڈنگ معظم جاہی مارکٹ میں منعقد ہوا۔ شہر و اطراف وبلدہ میں چاند نظر آگیا ۔ رویت ہلال کمیٹی گلبرگہ شریف ، کڑپہ، ہنمکنڈہ ، ورنگل ، بسوا کلیان ، تانڈور ، سنگا ریڈی ، ناندیڑ ، مالیگاؤں ، امارت شرعیہ پٹنہ ، ادونی ، اننت پور ، وجئے واڑہ اور چینائی سے بھی واضح طور پر چاند نظر آنے کی اطلاعات ملیں، لہذا تحت احکام شرعیہ مرکزی رویت ہلال کمیٹی صدر مجلس علماء دکن اعلان کرتی ہے کہ بتاریخ 20 مئی 2015 ء بروز چہارشنبہ یکم شعبان المعظم 1436 ھ ہوگی۔ اس اجلاس میں حضرت مولانا سید محمد قبول بادشاہ قادری الشطاری ، حضرت مولانا مفتی محمد عظیم الدین ، حضرت مولانا مفتی خلیل احمد ، حضرت مولانا سید حسن ابراہیم حسینی سجاد پاشاہ قادری، حضرت مولانا سید محمود بادشاہ قادری زرین کلاہ ، حضرت مولانا سید اولیاء حسینی مرتضی بادشاہ قادری اور قاضی فاروق عارفی نے شرکت کی۔
شیعہ علماء کی توثیق
جناب علی اصغر جعفری نے اطلاع دی ہے کہ شیعہ مجلس علماء و ذاکرین نے اعلان کیا ہے کہ شہر حیدرآباد میں بھی واضح طور پر چاند نظر آگیا ۔ لہذا کل چہارشنبہ 20 مئی کو یکم شعبان ہوگی ۔ مولانا سید رضا آقا ، مولانا سید نبی حسن زیدی ، مولانا سید آقا ابراہیم جزائری ، مولانا سید ظفر یاب حیدر، مولانا سید علی نقی نجفی، ڈاکٹر مولانا سید نثار حسین حیدر آقا ، مولانا رضا عباس خان اور مولانا سید جلال حیدر نے رویت ہلال کی تصدیق کی ہے۔
