لندن۔ 20 فروری (سیاست ڈاٹ کام) ملکہ برطانیہ نے اپنے بیٹے شہزادہ چارلس کے بجائے پوتے شہزادہ ولیم کو بادشاہ نامزد کر دیا۔برطانوی میڈیا کے مطابق ڈیمینشیا کے مرض میں مبتلا ملکہ ایلزبتھ بطور ملکہ مزید خدمات سر انجام دینا نہیں چاہتیں۔رپورٹ کے مطابق ملکہ ایلزبتھ نے برطانوی روایات کے برعکس اپنے بیٹے شہزادہ چارلس کے بجائے اپنے پوتے شہزادہ ولیم کو بادشاہ نامزد کر دیا ہے۔شہزادہ ولیم کے بادشاہ بننے کے بعد ان کی اہلیہ کیٹ مڈلٹن برطانیہ کی نئی ملکہ بن جائیں گی۔ملکہ ایلزبتھ سمجھتی ہیں کہ شہزادہ چارلس میں بادشاہت کرنے کی اہلیت نہیں ہے جب کہ شہزادہ ولیم میں بادشاہت کرنے کا نظم اور طاقت موجود ہے اور لوگ بھی انہیں پسند کرتے ہیں اور ان کا بھی یہی خیال ہے کہ شہزادہ ولیم اپنے والد سے زیادہ اس کے حقدار ہیں۔
