کراکس۔25مئی ۔(سیاست ڈاٹ کام) وینزویلا کی ایک جیل میں کی گئی بغاوت کی ایک کوشش کے دوران کم از کم انتیس قیدی مارے گئے۔ شہری حقوق کی ایک تنظیم نے بتایا کہ اس ہنگامہ آرائی کے دوران متعدد پولیس اہلکار زخمی بھی ہوئے۔ یہ ہلاکت خیز واقعہ جمعے کو شمالی مغربی شہر آکاریگوآ کی ایک جیل میں پیش آیا۔ وینزویلا کی جیلوں میں گنجائش سے زیادہ قیدیوں کو رکھا گیا ہے اور ان کے مابین اکثر پرتشدد واقعات رونما ہوتے رہتے ہیں۔
