آکلینڈ ۔ 26 فبروی (سید مجیب کی رپورٹ) وزیراعظم آسٹریلیا ٹونی ایباٹ نیوزی لینڈ کے دورہ پر آرہے ہیں لیکن وہ اپنی آمد کے فوری بعد ایرپورٹ پر کسی کانفرنس سے خطاب نہیں کریں گے۔ تاہم ان کے دورہ کی رپورٹنگ کیلئے جن صحافیوں کو مدعو کیا گیا ہے، ان میں روزنامہ سیاست حیدرآباد کے نامہ نگار برائے نیوزی لینڈ سید مجیب بھی شامل ہیں۔ وزیراعظم آسٹریلیا ٹونی ایباٹ، وزیراعظم نیوزی لینڈ جانکی کے ساتھ ورلڈکپ میچ کا بھی مشترکہ طور پر مشاہدہ کریں گے۔ وہ ورلڈ کپ میچ کے مشاہدہ کے فوری بعد 5 بجے شام آسٹریلیا روانہ ہوجائیں گے۔ ان کے پورے دورہ کے دوران نیوزی لینڈ کے صحافیوں کی ایک ٹیم ان کے ہمراہ ہوگی جن میں نمائندہ خصوصی روزنامہ سیاست بھی شامل ہیں۔
