نیویارک ،8مئی (سیاست ڈاٹ کام) امریکہ میں نیویارک کے اٹارنی جنرل ارک سچنیئی درمن نے اپنے عہدے سے استعفیٰ دیدیا ۔چار خواتین نے ان پر جنسی استحصال کا الزام لگایاہے ۔نیویارک کے ایک رسالہ میں اٹارنی جنرل کے ذریعہ چارخواتین کے جنسی استحصال کی خبرشائع ہوئی تھی جس کے کچھ گھنٹے بعد ہی گورنر اینڈریوکیومو نے ان سے استعفی طلب کرلیا۔مسٹر سچنیئی درمن نے اپنے بیان میں کہاکہ گزشتہ کئی گھنٹوں کے دوران مجھ پر سنگین الزامات لگائے گئے ۔میں ان الزامات کو مستردکرتاہوں ۔ان الزامات کا میرے پیشہ وارانہ رویہ اور کارکردگی سے کوئی تعلق نہیں ہے ۔ان الزامات کی وجہ سے میں دفترمیں ٹھیک طرح سے کام کاج نہیں کرسکتا۔اس لئے میں اپنے عہدے سے مستعفی ہورہاہوں ۔
