تل ابیب۔30 جنوری (سیاست ڈاٹ کام) اسرائیل کے وزیراعظم بنجامن نیتن یاہو نے منگل کو روسی صدر کے خصوصی ایلچی الیکزنڈر لاوریتوف اور نائب وزیر خارجہ سرگئی ورشینن کے ساتھ یروشلم میں ملاقات کی اور دونوں فریقوں نے شام کی صورتحال اور اسرائیل اور روس کے درمیان حفاظتی تال میل کے نظام سمیت مختلف مسائل پر بات چیت کی۔دونوں ممالک کے درمیان جن معاملات پر تبادلہ خیال ہوا، ان میں ایران، شام کی حالت اور روس اور یروشلم کے فوجیوں کے درمیان میں ٹکراؤروکنے کے لئے حفاظتی تال میل کو مضبوط کرنا شامل ہے ۔پریس سروس کے نمائندوں نے ایک بیان ٹوئیٹ کرکے کہا ، ‘‘روسی نمائندوں نے اسرائیل کی قومی سلامتی کو برقرار رکھنے کے عہد کا اعادہ کیا’’۔اسرائیل کے قومی سلامتی کے مشیر میر بین شبت اور اسرائیلی دفاعی فوج (آئی ڈی ایف) کے مہم ڈائریکٹوریٹ جنرل کے سربراہ میجر جنرل اہرون ہلیوا بھی میٹنگ میں شامل ہوئے ۔اسرائیل روایتی طور پر ایران کو مغربی ایشیا میں اپنا اہم حریف مانتا ہے اور وہ پڑوسی ملک شام میں ایرانی فوج کے تربیت کاروں کے ساتھ ساتھ ایران حامی حزب اللہ شیعہ کے سلسلے میں فکرمند ہے ۔
