چھتیس گڑھ میں سی آر پی ایف حملہ کی مذمت ، اٹھاولے کا بیان
گوہاٹی، 27 اپریل (سیاست ڈاٹ کام) سماجی انصاف اور دائرہ اختیار کے مرکزی وزیر رام داس اٹھاولے نے عسکریت پسندوں اور نکسلیوں سے تشدد چھوڑ کر معاشرے کے مرکزی دھارے میں واپس آنے کی اپیل کی ہے ۔ مسٹر اٹھاولے نے آج یہاں ایک پریس کانفرنس میں کہا، "نکسلی، ماؤنواز یا کسی دوسرے گروپ کو تشدد کا راستہ چھوڑ کر مرکزی دھارے میں واپس آنا چاہئے ۔ میری یہ ان سے دلی اپیل ہے . "انہوں نے چھتیس گڑھ کے سکما میں حالیہ نکسلی حملے کی مذمت کی۔ انہوں نے کہا، "معاشرے کے تمام طبقات کی تعمیر نو سے متعلق نکسلیوں کے مطالبات درست ہیں اور ہم ان کی اس بات کی حمایت کرتے ہیں لیکن ان کا راستہ مکمل طور پر غلط ہے ۔” ریپبلکن پارٹی آف انڈیا (اے ) کے قومی صدر مسٹر اٹھاولے نے کہا کہ نکسلیوں کی جانب سے ہلاک ہونے والوں میں سماجی اور اقتصادی طور پر پسماندہ طبقوں کے لوگ بھی شامل ہیں۔
انا ڈی ایم کے گروپوں کے انضمام کی بات چیت جاری
چینائی 27 اپریل (سیاست ڈاٹ کام) ٹاملناڈو کے ایک وزیر نے آج اپنی پارٹی کو ایسا قرار دیا کہ جس کی دیکھ بھال اور سرپرستی کرنے والا کوئی نہیں اور کہاکہ موجودہ طور پر منقسم اے آئی اے ڈی ایم کے میں اتحاد کے لئے عوام کی اُمنگوں کی عکاسی دونوں کیمپوں کے قائدین میں دکھائی دے رہی ہے۔ وزیر امداد باہمی سیلور ریلوے نے کہاکہ دونوں گروپوں کے درمیان متوقع انضمام کی بات چیت پوری دلچسپی کے ساتھ جاری ہے اور دونوں گروپوں کی قیادت ترتیب وار چیف منسٹر کے پلانی سوامی اور اُن کے پیشرو او پنیر سیلوم کررہے ہیں۔ سینئر لیڈر نے اعتماد ظاہر کیاکہ انا ڈی ایم کے حکومت اپنی پانچ سالہ میعاد پورے کرے گی بلکہ 2021 ء کے چناؤ میں بھی اقتدار پر آئے گی۔