حیدرآباد 7 ڈسمبر (پریس نوٹ) سنٹرل ریسرچ انسٹی ٹیوٹ برائے یونانی میڈیسن ایرہ گڈہ حیدرآباد کی جانب سے معمر و ضعیف لوگوں کے امراض کی مفت تشخیص و علاج و معالجہ اور رہبری اور رہنمائی کے لئے 8 ڈسمبر بروز پیر صبح 9 تا 1 بجے دن (اس کے علاوہ ہفتہ میں ایک دن ہر پیر کو صبح 9 تا 1 بجے دن) نظامیہ صدر شفا خانہ، چارمینار، شعبہ بیرونی، کمرہ نمبر 8 میں ڈاکٹر خواجہ بہاء الدین انصاری اسسٹنٹ ڈائرکٹر کی نگرانی میں مفت یونانی میڈیکل کیمپ منعقد ہورہا ہے۔ اس کیمپ میں تمام مریضوں کا نہ صرف مفت معائنہ و تشخیص کی جائے گی بلکہ ایک ہفتہ کی دوائیں بھی مفت سربراہ کی جائیں گی۔ اس کیمپ کے موقع پر حیدرآباد کے سینئر حاذق و کہنہ مشق اطباء حکیم محمد عبدالصمد موظف سینئر میڈیکل آفیسر سنٹرل گورنمنٹ ہیلت اسکیم، ڈاکٹر کلیم اللہ خان موظف وائس پرنسپل نظامیہ طبیہ کالج، ڈاکٹر خواجہ بدرالدین صدیقی سینئر فزیشین، ڈاکٹر رفیع حیدر شکیب سینئر فزیشین، طبیبہ خورشید بانو موظف ڈپٹی ڈائرکٹر، حکیم سید خواجہ عبدالوحید تکمیلی موظف اسسٹنٹ ڈائرکٹر وغیرہ بھی مریضوں کو گرانقدر مشوروں کے لئے دستیاب رہیں گے۔ ڈاکٹر محمد اسماعیل اسسٹنٹ ڈائرکٹر نے عوام الناس سے بھرپور استفادہ کی خواہش کی ہے۔ مزید تفصیلات فون نمبر 9849375947 پر ربط کریں۔
