نیویارک، 27 ستمبر (سیاست ڈاٹ کام) وزیر اعظم ہندنریندر مودی اور فرانس کے صدر امانوئل میکرون کو اقوام متحدہ کی اعلیٰ ترین ماحولیات اعزاز’چمپئنز آف دی ارتھ’ ایوارڈ سے نوازا گیا۔ موصولہ اطلاعات کے مطابق بین الاقوامی شمسی اتحاد کو لے کر سرخیل اور پرجوش کاموں کے لئے اورماحولیاتی کاموں میں تعاون کے نئے علاقوں کو فروغ دینے کے لئے مسٹر مودی اور مسٹر میکرون کو ‘پالیسی قیادت’ زمرہ کے تحت یہ ایوارڈ پیش کیا گیا۔وزیر اعظم کو 2022 تک ہندوستان میں پلاسٹک کے استعمال کو ختم کرنے کا عزم اور میکرون کو ماحولیات کے لئے عالمی معاہدے کو لے کر ستائش کی گئی۔کوچین بین الاقوامی ہوائی اڈے کو ‘قابل تجدید توانائی کے استعمال کا آغاز’ کے لئے ایوارڈ پیش کیا گیا۔
