نئی دہلی۔ 21 اگست(سیاست ڈاٹ کام)احمدپٹیل ، جو کانگریس کی سابق صدر سونیا گاندھی کے سیاسی سیکریٹری رہے ہیں ،پارٹی کے خازن بنا ئے گئے ہیں۔وہ پارٹی کے بزرگ رہنما موتی لعل ووہرا کی جگہ خازن بنائے گئے ہیں۔ پارٹی کے صدر راہل گاندھی نے ووہرا کو پارٹی کا جنرل سیکرٹری اورپارٹی انتظامیہ کا ذمہ دار بنایا ہے۔کانگریس کے جنرل سیکریٹری اشوک گیہلوٹ نے آج یہاں جاری ایک ریلیز میں یہ اطلاع دی ہے ۔ ریلیز کے مطابق ایک اور اہم تبدیلی کے تحت راجیہ سبھا میں پارٹی کے ڈپٹی لیڈر آنند شرما کو ڈاکٹر کرن سنگھ کی جگہ پارٹی کے خارجی امور کے محکمہ کی ذمہ داری سپرد کی گئی ہے ۔
