اسلام آباد۔23مارچ ( سیاست ڈاٹ کام ) کمسن حقوق انسانی کارکن ملالہ یوسف زئی اور قومی ٹیم کے کپتان مصباح الحق اُن 103افراد میں شامل ہیں جنہیں ملک کے لئے نمایاں خدمات پر پاکستان کا سیول ایوارڈ دیا جارہا ہے ۔ صدر مامون حسین نے ان ناموں کو منظوری دے دی ہے ۔ ملالہ اور مہلوک پاکستانی طالب علم اعتزاز حسن کو بہادری پر ’’ستارہ شجاع ‘‘ایوارڈ دیا جائے گا ۔ پاکستانی کرکٹ کپتان مصباح الحق کو اسپورٹس کے شعبہ میں نمایاں خدمات پر پریسیڈنٹ ایوارڈ فار پرائیڈ دیا جائے گا۔
