مرسل: ابوزہیر
صحابہ کرام رضی اللہ عنہم انجمعین یہ ایسی مقدس ہستیاں ہیں جن کے متعلق یہ بتلایا گیا ہے کہ ’’صحابہ ستاروں کے مانندہیں جو کوئی ان کے اقتداء کرے گا ہدایت پاجائیگا۔‘‘ اب یہاں انہی صحابہ میں سے کچھ ایسے حضرات کا تذکرہ کیا جارہا ہے کہ جنہوں نے احادیث شریفہ کو جمع کرنے میں اپنی محنت و جستجو کا بھرپور استعمال کیا ہے۔
حدیث روایت کرنے کے اعتبار سے صحابہ کرام رضی اﷲ عنہم اجمعین کے بنیادی طور پر چار درجے ہیں، جو حسب ذیل ہیں:
۱} کثیر الروایۃ صحابہ رضی اﷲ عنہم ۲} اَوسط الروایۃ صحابہ رضی اﷲ عنہم
۳} قلیل الروایۃ صحابہ رضی اﷲ عنہم ۴} اَقلّ الروایۃ صحابہ رضی اﷲ عنہم
کثیر الروایۃ صحابہ رضی اﷲ عنہم
اس طبقہ میں وہ صحابہ کرام رضی اﷲ عنہم اجمعین شامل ہیں جن سے مروی احادیث شریفہ کی تعداد تقریباً دوہزار سے زیادہ ہے۔ کثیر الروایۃ صحابہ عظام کو اصطلاح میں أصحاب الألوف کہا جاتا ہے۔ کثیر الروایۃ صحابہ کرام رضی اﷲ عنہم اجمعین کے نام اور ان کی تعدادِ مرویّات حسب ذیل ہیں:
صحابۂ عظام مرویّات
۱۔ حضرت سیدنا ابوہریرہ ص پانچ ہزار تین سو چہتر {۵۳۷۴}
۲۔ حضرت عبداﷲ بن عمر ص دوہزار چھ سو تیس {۲۶۳۰}
۳۔ حضرت انس بن مالک ص دوہزار دوسو چھیاسی {۲۲۸۶}
۴۔ حضرت عائشہ صدیقہ رضی اﷲ عنہا دوہزار دو سو دس {۲۲۱۰}