حیدرآباد 16 مارچ( پی ٹی آئی)لوک ستہ پارٹی نے لوک سبھا اور آندھرا پردیش اسمبلی انتخابات کیلئے آج سے اپنی مہم کا آغاز کردیا۔ لوک ستہ کے صدر اور رکن اسمبلی جئے پرکاش نارائن نے کوکٹ ہاوزنگ بورڈ کالونی کے رمیا گراونڈس پر ایک جلسہ عام سے خطاب کرتے ہوئے دعوی کیا کہ انہوں نے متعدد ترقیاتی کاموں کی تکمیل کی ہے۔ انہوں نے کہا کہ کوکٹ پلی کے عوام غیر معموملی طور پر باشعور ہیں۔ بہتر سیاست کا رواج عام ہونے سے پہلے ہی کوکٹ پلی کے عوام نے 2009 کے انتخابات میں بے خوف اور نڈر قیادت کو ووٹ دیتے ہوئے ایک مثال قائم کی۔ وشاکھاپٹنم میں اپنی پارٹی کے جلسہ عام کا حوالہ دیتے ہوئے انہوں نے اس اعتماد کا اظہار کیا کہ وشاکھاپٹنم میں بھی لوک ستہ پارٹی کو کامیابی حاصل ہوگی۔
