لندن، 3 مئی (سیاست ڈاٹ کام) برطانیہ کی وزیر اعظم تھریسامئے کی حکومت کا آج مقامی انتظامیہ کے انتخابات میں امتحان ہو گا۔ مقامی انتخابات میں مسز مئے کے مخالفین کو لندن میں مل رہی حمایت بڑھنے کی امید ہے جس سے بریگزٹ (برطانیہ کا یوروپی یونین سے باہرآنا) کی پوزیشن لے کر ان پر دباؤ بڑھے گا۔مسز مئے جہاں بریگزٹ کی پالیسی اور امیگریشن پالیسی میں گھوٹالہ کو لے کر احتجاج کا سامنا کر رہی ہیں،وہیں امیگریشن پالیسی میں گھوٹالے کے سلسلہ میں ان کے ایک قریبی ساتھی کو پہلے ہی استعفیٰ دینا پڑا تھا۔ایسے میں مقامی انتخابات کو مسز مئے کو ملنے والی حمایت کے طور پر دیکھا جا رہا ہے ۔مقامی انتخابات کا نتیجہ مثبت نہ آنے پر مسز مئے کی کنزرویٹو پارٹی پر گرفت کمزور ہو سکتی ہے ۔ پارٹی میں بریگزٹ پالیسی کو لے کر پہلے ہی تضاد ہے ۔ ایسے حالات میں برطانیہ کی پارلیمنٹ میں مستقبل میں یوروپی یونین کے حوالہ سے حکومت کی یکجہتی کا امتحان ہوگا۔کنزرویٹو پارٹی کے سابق ممبر پارلیمنٹ روب ولز نے پارٹی کی ویب سائٹ پر لکھاکہ الیکشن جیتنے پر لوگ متحد رہیں گے ، ہارنے پر اختلاف اور ناراضگی بڑھے گی۔
