کوپن ہیگن،30اگست (سیاست ڈاٹ کام) نہ گاڑیوں کی لمبی قطاریں نہ پروٹوکول اور نہ ہی شہریوں کو پریشانی کیونکہ کوپن ہیگن میں فرانسیسی صدر امانوئل میکرون ڈنمارک کے وزیر اعظم لارکس لوک ریسمسن کے ہمراہ سائیکل پر مختلف علاقوں کا دورہ کیا۔ ڈنمارک کے سرکاری دورہ کے موقع پر فرانسیسی صدر میکرون نے ڈنمارک کے وزیراعظم لارکس لوک ریسمسن سے ملاقات کے دوران ڈنمارک کے وزیر اعظم فرانسیسی صدر کو اپنے ہمراہ سائیکل پر کوپن ہیگن کا دورہ کروانے نکل پڑے ، دونوں رہنماؤں نے سائیکل چلاتے ہوئے ہی مختلف امور پر تبادلہ خیال کیا۔اس موقع پر فرانسیسی صدر نے کہا کہ وہ جلد ٹور ڈی فرانس سائیکل ریس کا آغاز کوپن ہیگن سے کرنا چاہتے ہیں۔
