کربلا۔19اگست ( سیاست ڈاٹ کام ) عراق کے تاریخی شہر کربلا میں الحشد ملیشیا کے اسلحہ گودام میں بم دھماکوں سے 15افراد ہلاک ہو گئے۔ عراق کے تاریخی شہر کربلا میں الحشد ملیشیا کے ایک اسلحہ گودام میں جمعے کو ہونے والے بم دھماکوں کے نتیجے میں کم سے کم 15 افراد ہلاک ہو گئے۔الحشد ملیشیا کے ماتحت العباس بریگیڈ نے بتایا کہ الکفیل بریگیڈ ہیڈکوارٹرز میں الشریعہ روڈ پر واقع ایک گودام میں جمعہ کے روز دھماکے ہوئے جس کے نتیجے میں 12سے زائد افراد ہلاک ہوگئے۔ دھماکوں کے بعد جائے وقوع کے اوپر بغیر پائلٹ کے 2 ڈرون طیاروں کو اڑتے بھی دیکھا گیا ہے۔
