واشنگٹن۔ 25 اپریل (سیاست ڈاٹ کام)امریکی صدر ڈونالڈ ٹرمپ نے کہا ہے کہ وہ اپنے فرانسیسی ہم منصب امانوئل میکرون کے ساتھ ایران کے نیوکلیئر معاہدہ کے حوالہ سے جلد ہی کسی سمجھوتے پر متفق ہو سکتے ہیں۔ ٹرمپ نے منگل کے دن واشنگٹن میں میکرون سے ملاقات کے بعد کہا کہ ایران کے حوالہ سے کافی بہتر گفتگو ہوئی ہے اور اس حوالہ سے کچھ کرنے کی کوشش کی جائے گی۔ ٹرمپ نے اس عالمی نیوکلیئر معاہدہ سے دستبردار ہونے کی دھمکی دے رکھی ہے ۔ تاہم انہوں نے کہا کہ اس تناظر میں کوئی سمجھوتہ ہو بھی سکتا ہے ۔ میکرون اپنے تین روزہ دورہ امریکہ کے دوران ٹرمپ کے ساتھ ملاقات میں کئی اہم عالمی موضوعات پر گفتگو بھی کریں گے ۔ اسی ہفتے جرمن چانسلر انجیلا مرکل بھی امریکہ کا دورہ کر رہی ہیں۔
