ممبئی ۔ 9 ڈسمبر (سیاست ڈاٹ کام) دولت اسلامیہ کے جنگجو عارف مجید جو حال ہی میں وطن واپس آئے ہیں۔ خود کش بم بردار ہونے کی تربیت حاصل کرچکے ہیں اور کم از کم 3 مرتبہ شامی فوج پر ناکام حملے کرچکے ہیں۔ مقامی پولیس کے ایک ذریعہ کا دعویٰ ہیکہ یہ انکشاف این آئی اے کی جانب سے عارف مجید کے لائی ڈیٹکٹر ٹسٹ کے بعد ہوا۔ عارف مجید ٹسٹ کے دوران تفتیش کنندوں کو یہ بتانے پر مجبور ہوگیا کہ وہ بے قصور نہیں ہے جیسا کہ اس نے قبل ازیں دعویٰ کیا تھا۔ مبینہ طور پر عارف نے ان سے کہا کہ وہ دھماکو مادوں سے بھری ہوئی ایک گاڑی شام میں چند تنصیبات پر ٹکرا چکا ہے۔ اس نے گاڑی کو بھی دھماکہ سے اڑا دینے کی کوشش کی تھی جبکہ وہ صیانتی افراد کے قریب پہنچ گیا تھا لیکن اس کا منصوبہ فوج کی چوکسی کی وجہ سے ناکام ہوگیا۔ قبل ازیں عارف مجید نے کہا تھا کہ دعوت اسلامیہ میں اسے اور اس کے 3 دوستوں کو عمارت کی صفائی پر مامور کیا تھا اور وہ یہ معلوم ہونے کے بعد مایوس ہوگئے تھے کہ انہیں مردوں کو ہلاک کرنا اور خواتین کی عصمت ریزی کرنا ہے عدالت نے اس کی تحویل میں مزید 14 دن توسیع کردی ہے
