حیدرآباد۔ 8 جون (پریس نوٹ) تلنگانہ اسٹیٹ حج کمیٹی کے زیراہتمام منتخب عازمین حج کا چوتھا تربیتی اجتماع اتوار 14 جون کو 10:30 بجے دن تا 4:30 بجے شام عابڈز فنکشن ہال، تلک روڈ بوگل کنٹہ میں منعقد ہوگا۔ پروفیسر ایس اے شکور اسپیشل آفیسر تلنگانہ اسٹیٹ حج کمیٹی صدارت کریں گے۔ ممتاز علماء کرام اور ماہرین فضائل و مناسک حج و عمرہ، آداب زیارت روضہ نبویؐ مدینہ منورہ اور بیان کریں گے۔ قرأت کلام پاک اور نعت شریف سے جلسہ کا آغاز ہوگا۔ احرام باندھنے کا طریقہ سکھایا جائے گا۔ سفر حج سے متعلق مختلف اہم اُمور کی تفصیلی وضاحت کی جائے گی۔ تمام منتخب عازمین حج سے بپابندی وقت شرکت کرنے اور اپنے ساتھ نوٹ بُک اور قلم لانے کی گزارش کی گئی ہے تاکہ وہ اہم اُمور نوٹ کرسکیں۔ خانگی ٹور آپریٹرس کے توسط سے جانے والے عازمین بھی استفادہ کرسکتے ہیں۔ خواتین کیلئے پردہ کا معقول انتظام کیا گیا ہے۔
