گرمائی تعطیلات میں نئے سنٹرس کے لیے درخواستیں مطلوب
حیدرآباد ۔ 24 ۔ اپریل : ( راست ) : پروفیسر محمد انور الدین انچارج امتحانات عابد علی خاں ایجوکیشنل ٹرسٹ کے بموجب شہر حیدرآباد و سکندرآباد کے علاوہ اضلاع و دیگر ریاستوں میں اردو زبان کی تعلیم کو عام کرنے جو ادارے رضاکارانہ خدمات انجام دے رہے ہیں وہ عابد علی خاں ایجوکیشنل ٹرسٹ ادارہ سیاست کے زیر اہتمام اردو دانی ، زبان دانی اور اردو انشاء کے امتحانات کی تیاری کے لیے ٹرسٹ کی جانب سے شائع کتابیں بلا قیمت حاصل کر کے تعلیم دے سکتے ہیں ۔ انگلش میڈیم اسکول اور کالجس کے ذمہ دار بھی ربط کریں ۔ مزید جہاں فنی تعلیم ٹیلرنگ سنٹر یا مہندی ڈیزائن وغیرہ سکھایا جاتا ہے ۔ ان کے علاوہ عربی پڑھانے والے جزوقتی مدارس میں یہ کتابیں حاصل کر کے فری تعلیم دی جاسکتی ہے اور امتحانات کی بھی کوئی فیس نہیں لی جائے گی ۔ کامیابی پر سند دی جائے گی ۔ ادارہ ادبیات اردو کے اشتراک سے یہ امتحانات منعقد ہوں گے ۔ آئندہ امتحانات جولائی 2019 میں منعقد ہوں گے ۔ انشاء کامیاب طلبہ اردو ماہر کے امتحان کی آدھی فیس پر شریک ہوسکتے ہیں ۔ دفتر سیاست سے روزانہ صبح 11 تا 5 بجے دن ملاقات کر کے سنٹر چلانے کے ذمہ دار ٹیچرز اور اساتذہ درخواست دے سکتے ہیں ۔ تفصیلات کے لیے 8367043856 ۔ 040-24744180 Ext.225 پر ربط کریں ۔۔
