25 جنوری کو بیک وقت تمام سنٹرس پر امتحانات ، ناموں کے اندراج کا آغاز
حیدرآباد ۔ یکم ۔ جنوری : ( پریس نوٹ ) : محمد حبیب الرحمن انچارج کے بموجب عابد علی خاں ایجوکیشنل ٹرسٹ کے زیر اہتمام ادارہ ادبیات اردو پنجہ گٹہ کے ابتدائی تین درجات کے امتحانات اردو دانی ، زبان دانی ، انشاء 25 جنوری کو صبح 10 تا 1 بجے دن مقرر ہیں ۔ ٹرسٹ کی جانب سے ہال ٹکٹس اور سوالات و جوابی بیاض جاری ہوں گے ۔ تمام سنٹرز پر تعلیم جاری ہے ۔ ایسے طلباء وطالبات مرد و خواتین جو اردو لکھنے پڑھنے سے واقف نہیں ہیں قریبی سنٹر پر نام درج کروا کے تعلیم حاصل کرسکتے ہیں اور امتحان میں کامیابی پر سند دی جائے گی ۔ انگلش میڈیم کالجس میں زیر تعلیم طلبہ بھی ان کلاسیس سے استفادہ حاصل کرسکتے ہیں ۔ قریبی سنٹر معلوم کرنے کے لیے دفتر ٹرسٹ سے بھی 9553556260 ۔ 040-24744180 Ext.225 پر ربط کریں ۔۔
