اضلاع تلنگانہ اور پڑوسی ریاستوں میں 378 مراکز ، ہال ٹکٹ کے بغیر داخلہ ممنوع
حیدرآباد ۔ 28 ۔ جولائی : ( سیاست نیوز ) : عابد علی خاں ایجوکیشنل ٹرسٹ ( ادارہ سیاست ) کے زیر اہتمام ادارہ ادبیات اردو کے اشتراک سے اردو دانی ، زبان دانی ، انشاء کے اردو امتحانات مقرر ہیں ۔ 29 جولائی کو صبح 10 تا 1 بجے دن شہر حیدرآباد و سکندرآباد کے علاوہ اضلاع و دیگر پڑوسی ریاستوں پر بہ یک وقت تحریری امتحان لیا جائے گا ۔ تمام اردو تعلیمی مراکز کو ہال ٹکٹس اور سوالات و جوابی بیاض اور دیگر میٹریل دفتر ٹرسٹ سے روانہ کردیا گیا ہے ۔ جملہ مراکز 378 قائم کئے گئے ۔ جن میں شرکت فارم 80531 کی اجرائی عمل میں آئی ۔ خانہ پری کر کے 75367 ہزار فارم وصول ہوئے جس کے ہال ٹکٹس کی اجرائی عمل میں آئی اور فارم کے وصول ہونے کا سلسلہ 6 بجے شام تک جاری رہا ۔ توقع کے تقریبا 80,000 امیدوار شرکت کرینگے تمام مراکز کے ذمہ دار اصحاب بغیر ہال ٹکٹ کسی کو بھی امتحان دینے کی اجازت نہ دیں ۔ دیگر امور کے لیے جناب محمد حبیب الرحمن سے فون 9553556260 ۔ 040-24744114 پر ربط قائم کریں ۔۔
