کلاسیس قائم کرنے درخواستوں کی طلبی
حیدرآباد ۔ 6 ۔ دسمبر : ( سیاست نیوز ) : انچارج عابد علی خاں ایجوکیشنل ٹرسٹ جناب محمد حبیب الرحمن کے بموجب شہر حیدرآباد و سکندرآباد کے علاوہ اضلاع و دیگر ریاستوں میں اردو زبان کی تعلیم کو عام کرنے جو ادارے رضاکارانہ خدمات انجام دے رہے ہیں وہ عابد علی خاں ایجوکیشنل ٹرسٹ ادارہ سیاست کے زیر اہتمام تین درجات کے امتحانات کی تیاری کے لیے ٹرسٹ کی جانب سے شائع کتابیں بلا قیمت حاصل کر کے تعلیم دے سکتے ہیں۔حکومت کی جانب سے اردو کو دوسری سرکاری زبان قرار دیا گیا ہے ۔ نئی نسل کو اردو سے واقف کروائیے تاکہ آنے والے وقت میں سہولت ہوسکے ۔ انگلش میڈیم اسکول ، کالج کے ذمہ دار ، مزید جہاں فنی تعلیم ٹیلرنگ سنٹر یا مہندی ڈیزائن وغیرہ سکھایا جاتا ہے ۔ ان کے علاوہ عربی پڑھانے والے جزوقتی مدارس میں یہ کتابیں حاصل کر کے فری تعلیم دی جاسکتی ہے اور امتحانات کی بھی کوئی فیس نہیں لی جائے گی ۔ کامیابی پر سند دی جائیگی ۔ ادارہ ادبیات اردو کے اشتراک سے یہ امتحانات ہونگے ۔ عابد علی خاں ایجوکیشنل ٹرسٹ کے زیر اہتمام جون 1994 سے تعلیم اور امتحانات سال میں دو مرتبہ منعقد ہوا کرتے ہیں ۔ آئندہ امتحان 28 جنوری 2018 کو ہونگے ۔ اردو دانی ، زبان دانی ، انشاء کے بعد اردو ماہر ، اردو عالم ، اردو فاضل ، ٹرسٹ کی جانب سے ابتدائی تین درجات کی تعلیم کے بعد انشا کامیاب طلبہ اردو ماہر کے امتحان کی آدھی فیس پر شریک ہوسکتے ہیں ۔ اردو فاضل کامیاب طلبہ بی اے امبیڈکر یونیورسٹی ، کاکتیہ یونیورسٹی ، مولانا آزاد یونیورسٹی میں داخلے کے اہل ہیں ۔ مزید عثمانیہ یونیورسٹی میں بھی داخلے کے لیے کوشش کی جارہی ہے کہ اردو فاضل اول فاضل دوم کو انٹر میڈیٹ کے مماثل قرار دیا جائے ، اردو تعلیم کو عام کرنے اور اس کی ترقی کیلئے عابد علی خاں ایجوکیشنل ٹرسٹ کی مساعی جاری ہے ۔ ہم حکومت سے مطالبہ کررہے ہیں کہ اردو فاضل کو حسب سابق بغیر انگریزی مضمون کے امتحانات منعقد کر کے انٹر کے مماثل قرار دیں ۔ دفتر سیاست سے روزانہ صبح 11 تا 5 بجے دن ملاقات کر کے سنٹر چلانے کے ذمہ دار ٹیچرز اور اساتذہ درخواست دے سکتے ہیں جن کو رضاکارانہ خدمات انجام دینا ہوگا ۔ تفصیلات کے لیے 9553556260 ۔ 040-24744180 Ext.225 پر ربط کریں ۔۔
