امریکی ڈاکٹرس ٹیم مریضوں کی تشخیص و علاج کریں گے، رجسٹریشن جاری
حیدرآباد ۔ یکم فروری (سیاست نیوز) پالمیر یونیورسٹی امریکہ کے زیراہتمام ادارہ سیاست کے تعاون سے سہ روزہ مفت کیرو پراکٹک میڈیکل کیمپ کا 26 تا 28 فروری عابد علی خاں آئی ہاسپٹل دارالشفاء پر مقرر ہے۔ جناب ظہیرالدین علی خاں منیجنگ ایڈیٹر روزنامہ سیاست و کیمپ چیرمین ڈاکٹر سید غوث الدین کوآرڈی نیٹر کیمپ نے بتایا کہ 16 رکنی کیرو پراکٹک ڈاکٹرس پروفیسر معین انصاری صدر شعبہ نیوٹریشن اور محترمہ شاہدہ انصاری کی زیرنگرانی کمر کے درد، گردن کے درد، کولہے کے درد، مونڈھے کے درد، گھٹنوں کے درد کے علاوہ دیگر اعصابی امراض میں مبتلا مریضوں کا مفت معائنہ کریں گے۔ مریض اپنے ساتھ ایکسرے رپورٹ لائیں تو بہتر ہے۔ رجسٹریشن کا آغاز پیر 2 فروری سے 10 بجے دن سے ایک بجے دن تک عابد علی خاں آئی ہاسپٹل دارالشفاء، 12 بجے دن سے 5 بجے شام تک ایم ڈی ایف آفس احاطہ روزنامہ سیاست، 11 بجے دن سے 8 بجے شب تک محمدیہ یونانی میڈیکل اسٹور اینڈ کلینک روبرو پرنس ہوٹل مہدی پٹنم چوراہا پر کیا جائے گا۔ ایسے مریض جو سابق میں کیرو پراکٹک ڈاکٹروں سے علاج کروائے ہیں وہ بھی رجسٹریشن کروائیں۔ رجسٹریشن کا کوٹہ ختم ہوجانے کے بعد دوبارہ رجسٹریشن نہیں کیا جائے گا۔ مزید معلومات کے لئے جناب ایم این بیگ سے فون نمبر 9247172645 پر ربط کریں۔
