پالمیر یونیورسٹی امریکہ کے ڈاکٹرس ٹیم کی آمد، رجسٹریشن جاری
حیدرآباد 8 جون (راست) پالمیر یونیورسٹی امریکہ کے کیرو پراکٹک ڈاکٹرس پروفیسر معین انصاری اور ڈاکٹر شاہدہ انصاری کے زیرنگرانی 26 کیرو پراکٹک ڈاکٹرس 18 جون کو امریکہ سے حیدرآباد پہونچ رہے ہیں۔ جناب ظہیرالدین علی خاں منیجنگ ایڈیٹر روزنامہ سیاست کیمپ چیرمین کیرو پراکٹک، ڈاکٹر سید غوث الدین کوآرڈی نیٹر کیمپ نے بتایا کہ قیام حیدرآباد کے دوران امریکن ڈاکٹرس 22 تا 24 جون عابد علی خاں آئی ہاسپٹل دارالشفاء میں سہ روزہ مفت کیرو پراکٹک میڈیکل کیمپ میں شرکت کریں گے جس کا اہتمام ادارہ سیاست اور انور چیارٹیبل ٹرسٹ سے ہورہا ہے۔ کمر کے درد، گردن کے درد، کولھے کے درد، گھٹنوں کے درد، اعصابی درد میں مبتلا مریضوں سے خواہش کی جاتی ہے کہ وہ اپنے نام رجسٹریشن کروائیں۔ رجسٹریشن کا آغاز ہوگیا ہے۔ رجسٹریشن عابد علی خاں آئی ہاسپٹل دارالشفاء پر 9 بجے دن سے ایک بجے دن تک دفتر ایم ڈی ایف 11 بجے دن سے 5 بجے شام تک، محمدیہ یونانی میڈیکل اسٹور اینڈ کلینک روبرو پرنس ہوٹل مہدی پٹنم 11 بجے دن تا 8 بجے شب تک کرواسکتے ہیں۔ مزید معلومات کے لئے جناب ایم این بیگ سے فون نمبر 9247172645 پر ربط کریں۔