ماہر حجامہ ڈاکٹر عبدالمجیب اور ڈاکٹر یسریٰ فاطمہ مریضوں کی تشخیص و علاج کریں گے
حیدرآباد ۔ 11۔ اپریل : ( راست ) : ادارہ سیاست کے زیر اہتمام ایک روزہ مفت حجامہ کیمپ برائے خواتین و مرد بروز اتوار 12 اپریل کو صبح 9 تا ایک بجے دن عابد علی خاں آئی ہاسپٹل دارالشفاء پر مقرر ہے ۔ حکیم سید غوث الدین کوآرڈینٹر کیمپ نے بتایا کہ حیدرآباد کے ماہر ڈاکٹرس ، اپنی ڈاکٹرس کی ٹیم کے ساتھ مریضوں کا علاج کریں گے ۔ حجامہ ایک قدیم طریقہ ہے جو جدید سہولتوں کے ساتھ فی زمانہ اپنایا جارہا ہے ۔ حضور اکرم ؐنے اس علاج کو اپنایا تھا ۔ اس کے کوئی مضر اثرات نہیں ہیں ۔ یہ ہر بیماری میں شفاء بخش ہے ۔ حجامہ کے ذریعہ بدن انسان سے فاسد خون نکالا جاتا ہے ۔ ایسے مریض جو سردرد ، نزلہ ، زکام ، نیند کا نہ آنا ، شوگر ، تھائیرائیڈ ، بی پی ، جلد کے امراض ، عرق النساء ، گردن کا درد ، جوڑوں کا درد ، موٹاپا ، بانجھ پن ، انفرٹیلیٹی ، امراض جگر ، بواسیر ، فالج اور دیگر امراض میں مبتلا ہوں وہ بھی علاج کرواسکتے ہیں ۔ جو مریض رجسٹریشن نہ کرواسکے ہوں وہ بھی کیمپ سے رجوع ہو کر علاج کرواسکتے ہیں ۔ مریض سے فی کپ 60 روپئے لیے جائیںگے ۔ ڈاکٹرس مریض کے مرض کے حساب سے کپ کا تعین کریں گے ۔ مزید تفصیلات کے لیے فون نمبرات 040-65699966 ۔ 8125249080 ۔ 8297158387 پر پر ربط کریں ۔۔
