29 جولائی کو امتحانات‘ کلاسیس قائم کرنے درخواستوں کی طلبی
حیدرآباد ۔ 20 جون ( سیاست نیوز) انچارج عابد علی خاں ایجوکیشنل ٹرسٹ جناب محمد حبیب الرحمن کے بموجب شہر حیدرآباد و سکندرآباد کے علاوہ اضلاع و دیگر ریاستوں میں اردو زبان کی تعلیم کو عام کرنے جو ادارے رضاکارانہ خدمات انجام دے رہے ہیں وہ عابد علی خاں ایجوکیشنل ٹرسٹ ادارہ ’’سیاست‘‘ کے زیراہتمام تین درجات اردو دانی ‘ زبان دانی اور انشاء کے امتحانات کی تیاری کیلئے ٹرسٹ کی جانب سے شائع کتابیں بلا قیمت حاصل کر کے تعلیم دے سکتے ہیں ۔ حکومت کی جانب سے اردو کو دوسری سرکاری زبان قرار دیا گیا ہے ۔ نئی نسل کو اردو سے واقف کروائے تاکہ آنے والے وقت میں سہولت ہوسکے ۔ انگلش میڈیم اسکول ‘ کالج کے ذمہ دار مزید جہاں فنی تعلیم ٹیلرنگ سنٹر یا مہندی ڈیزائن وغیرہ سکھایا جاتا ہے ۔ ان کے علاوہ عربی پڑھانے والے جزوقتی مدارس میں یہ کتابیں حاصل کر کے فری تعلیم دی جاسکتی ہے اور امتحانات کی بھی کوئی فیس نہیں لی جائے گی ۔ کامیابی پر سند دی جائے گی ۔ ادارہ ادبیات اردو کے اشتراک سے یہ امتحانات ہوں گے ۔ عابد علی خان ایجوکیشنل ٹرسٹ کے زیراہتمام جون 1994ء سے تعلیم اور امتحانات سال میں دو مرتبہ منعقد ہوا کرتے ہیں ۔ آئندہ امتحان 29 جولائی 2018ء کو ہوں گے ۔ اردو دانی ‘ زبان دانی و انشاء کے بعد اردو ماہر ‘ اردو عالم ‘ اردو فاضل ‘ ٹرسٹ کی جانب سے ابتدائی تین درجات کی تعلیم کے بعد انشاء کامیاب طلبہ اردو ماہر کے امتحان کی آدھی فیس پر شریک ہوسکتے ہیں ۔ اردو فاضل کامیاب طلبہ بی اے امبیڈکر یونیورسٹی ‘ کاکتیہ یونیورسٹی ‘ مولانا آزاد یونیورسٹی میں داخلے کے اہل ہیں ۔ مزید عثمانیہ یونیورسٹی میں بھی داخلے کیلئے کوشش کی جارہی ہے کہ اردو فاضل اول فاضل دوم کو انٹرمیڈیٹ کے مماثل قرار دیا جائے ۔ اردو تعلیم کو عام کرنے اور اس کی ترقی کیلئے عابد علی خان ایجوکیشنل ٹرسٹ کی مساعی جاری ہے ۔ ہم حکومت سے مطالبہ کررہے ہیں کہ اردو فاضل کو حسب سابق بغیر انگریزی مضمون کے امتحانات منعقد کر کے انٹر کے مماثل قرار دیں ۔ دفتر سیاست سے روزآنہ صبح 11 تا 5 بجے دن ملاقات کر کے سنٹر چلانے کے ذمہ دار ٹیچرز اور اساتذہ درخواست دے سکتے ہیں جن کو رضاکارانہ خدمات انجام دینا ہوگا ۔ تفصیلات کیلئے
95533356260 ۔ 040 – 24744180 Ext : 225 پر ربط کریں ۔