حیدرآباد ۔ 11 ۔ نومبر : ( راست ) : ادارہ سیاست کے زیر اہتمام ایک روزہ مفت حجامہ کیمپ برائے خواتین 16 نومبر بروز اتوار صبح 9 تا 2 بجے دن عابد علی خان آئی ہاسپٹل دارالشفاء پر مقرر ہے ۔ حکیم سید غوث الدین کوآرڈینٹر کیمپ نے بتایا کہ حیدرآباد کے ماہر حجامہ لیڈی ڈاکٹرس ڈاکٹر یسریٰ فاطمہ ، ڈاکٹر کوثر فاطمہ ، ڈاکٹر ہاجرہ بیگم ، ڈاکٹر جبین فاطمہ ، ڈاکٹر سعدیہ کوثر ، ڈاکٹر جویریہ عرشین مریضوں کا مفت علاج کریں گے ۔ حجامہ ایک قدیم طریقہ علاج ہے جو جدید سہولتوں کے ساتھ فی زمانہ اپنایا جارہا ہے ۔ حضور اکرمؐ نے اس علاج کو اپنایا تھا ۔ اس کے کوئی مضر اثرات نہیں ہے ۔ یہ ہر بیماری میں شفاء بخش ہے ۔ حجامہ کے ذریعہ بدن انسان سے فاسد خون نکالا جاتاہے ۔ ایسے مریض جو سر درد ، نزلہ زکام ، نیند کا نہ آنا ، تھائیرائیڈ ، جلد کے امراض ، ذہنی تناؤ ، امراض نسواں ، کمر کا درد ، گردن کا درد ، جوڑوں کا درد ، موٹاپا ، PCOD’s ، الرجی ، انفرٹیلٹی ( بانجھ پن ) امراض جگر ، درد شقیقہ ، عرق النساء ، بواسیر ، فالج اور دیگر امراض میں مبتلا ہوں ۔ وہ اپنا نام فون نمبر 040-65699966 ۔ 8125249080 پر جناب خالد محی الدین اسد کے پاس صبح 9 تا 5 بجے دن رجسٹریشن کروالیں ۔ مریض سے فی کپ 50 روپئے لیے جائیں گے ۔ ڈاکٹرس مرض کے حساب سے کپ کا تعین کریں گے ۔ کیمپ کے دن مریض اپنے ساتھ اپنے تمام رپورٹ کی ایک زیراکس کاپی ساتھ رکھیں ۔
