واشنگٹن ۔ 6 فبروری (سیاست ڈاٹ کام) امریکی صدر بارک اوباما عراق اور شام میں سخت گیر جنگجو گروپ داعش کے خلاف طاقت کے استعمال کے لیے کانگریس سے نئی اتھارٹی کے خواہاں ہیں اور وہ اس سلسلے میں آیندہ ہفتے کانگریس سے رجوع کریں گے۔ڈیموکریٹک پارٹی کے ایک رکن پارلیمان کے مطابق اراکین کانگریس کو بتا دیا گیا ہے کہ انھیں اس ضمن میں آیندہ ہفتے وائٹ ہاؤس کی جانب سے ایک درخواست موصول ہو جائے گی۔سینیٹر باب کروکر کے ایک معاون نے بتایا ہے کہ سینیٹ کی خارجہ تعلقات کمیٹی کے ری پبلکن چئیرمین کو توقع ہے کہ صدر اوباما آیندہ ہفتے تک اجازت نامے کا مسودہ بھیج دیں گے۔
