واشنگٹن۔11 مئی ۔(سیاست ڈاٹ کام) امریکی صدر ڈونالڈٹرمپ نے کہا ہے کہ شمالی کوریا کے حالیہ میزائل تجربات اعتماد شکنی کے زمرے میں نہیں آتے۔ انہوں نے ایک جریدے کو انٹرویو دیتے ہوئے مزید کہا کہ یہ کم فاصلے تک ہدف کو نشانہ بنانے والے میزائل کے تجربات تھے اور محدود قوت کے حامل تھے۔ ٹرمپ نے یہ ضرور کہا کہ ایسے میزائل تجربات سے کوئی خوش نہیں ہے لیکن مستقبل میں دیکھا جائے کہ کیا موقف اپنایا جاتا ہے۔
