حیدرآباد /25 جولائی ( پریس نوٹ ) شعبہ اردو نظام کالج میں تعلیمی سال 2018-19 کیلئے بی اے ( ایس یو پی ) میں چند نشستیں مخلوعہ ہیں ۔ اردو میڈیم سے انٹرمیڈیٹ کامیاب طلباء کے علاوہ ایسے طلبا جو سپلیمنٹری میں انٹرمیڈیٹ کامیاب ہوئے ہیں اور وہ طلباء جس کو پہلے دوسرے اور تیسرے مرحلے کی کونسلنگ میں داخلہ نہ ملا ہو آن لائین فارم داخل کرسکتے ہیں ۔ فارم داخل کرنے کی تاریخ 25 تا 27 جولائی مقرر ہے ۔ اردو میڈیم سے انٹرمیڈیٹ کامیاب طلباء SUP گروپ جس میں سوشیالوجی اردو کے علاوہ فارسی مضامین شامل ہیں داخلہ لے کر اپنے مستقبل کو سنوار سکتے ہیں ۔ اس گروپ کے تحت اعلی تعلیم کے بھی بہت سے مواقع دستیاب ہیں ۔ بی اے میں داخلے کیلئے 5100 روپئے فیس مقرر ہے ۔ ایسے طلبا جو BC(E) سرٹیفکیٹ رکھتے ہوں اور جن کے والدین کی سالانہ آمدنی ایک لاکھ سے کم ہو ایسے طلباء کیلئے صرف 100 روپئے فیس مقرر ہے ۔ اس مرحلے کے تحت داخلے کیلئے نشستوں کی آخری فہرست 30 جولائی کو جاری کی جائے گی ۔ ویب سائیٹ سے نشست الاٹمنٹ لیٹر کی کاپی کے ساتھ طلباء متعلقہ کالج سے ربط پیدا کریں ۔ امیدوار کو چاہئے کہ وہ تمام اصلی اسنادات اور اس کی دو عدد زیراکس کاپیاں ساتھ رکھے ۔ مزید معلومات کیلئے فون نمبر 9866490418/ 9866437890 پر ربط کریں ۔
