برلن۔ 25 اپریل (سیاست ڈاٹ کام)جرمنی نے شورش زدہ شام کے شہریوں کے لیے ایک ارب یورو کی اضافی امداد کا اعلان کیا ہے ۔ برلن حکام کے مطابق یہ رقم شام میں امداد کے منتظر افراد اور جنگ کی وجہ سے پڑوسی ممالک میں پناہ لینے والے شامی شہریوں پر خرچ کی جائے گی۔ اس کے علاوہ جرمن بجٹ کے اعلان کے بعد مزید تین سو ملین یورو سال کی دوسری ششماہی میں مہیا کیے جائیں گے ۔غیر ملکی میڈیا رپورٹوں کے مطابق اقوام متحدہ اور یوروپی یونین کے زیر انتظام شام کے موضوع پر امدادی اجلاس کا چہارشنبہ کو دوسرا اور آخری دن ہے ۔ بروسیلز میں جاری اس اجلاس میں 80 ممالک کے نمائندے حصہ لے رہے ہیں۔
