تہران میں ایران ۔ روس ۔ ترکی چوٹی کانفرنس بے نتیجہ ‘ عدلیب پر روس کے فضائی حملے جاری
دمشق۔9ستمبر ( سیاست ڈاٹ کام ) شام میں روس کے فضائی حملوں کے نتیجے میں 5 جب کہ باغیوں کی گولہ باری کے نتیجے میں 10 افرادہلاک ہوگئے۔ شام کے صوبے عدلیب پر روسی کی بمباری سے 5 افراد ہلاک اور 14 زخمی ہوگئے۔ روس کی فوج نے شامی باغیوں کی تنظیم احرار الشام کی چوکی کو نشانہ بنانے کا دعویٰ کیا۔ادھر صوبہ حما میں باغیوں نے حکومت کے زیر کنٹرول علاقے مہرادا پر گولہ باری کی جس سے 6 خواتین سمیت 10 افراد ہلاک ہوگئے۔ مہرادا میں مسیحی برادری سے تعلق رکھنے والے افراد کی آبادی زیادہ ہے۔ اس حملے کی ذمہ داری ایک چھوٹے عسکریت پسند گروہ نے قبول کرلی۔شام کی حکومت اور روس کی جانب سے عدلیت میںنئی فوجی کارروائی شروع کی جارہی ہے اور بین الاقوامی امدادی تنظیموں نے خبردار کیا ہے کہ ایسی کوئی بھی کارروائی انتہائی تباہ کن ثابت ہوسکتی ہے جس کے نتیجے میں ایک بڑا انسانی المیہ رونما ہوسکتا ہے۔ایران کے دارالحکومت تہران میں ایران، روس اور ترکی کے صدور کے درمیان مذاکرات ہوئے جس میں عدلیت میں روسی و شامی فوج کی کارروائی روکنے پر بات چیت ہوئی، تاہم یہ گفتگو بے نتیجہ رہی۔شام کے صدر بشارالاسد کے مخالفین کا عدلیب ْآخری مستحکم گڑھ ہے جہاں 30 لاکھ کی آبادی ہے۔ عدلیب کے علاوہ الازقیہ، حما اور حلب میں بھی بچے کچھے مزاحمت پسند موجود ہیں ورنہ باقی علاقوں پر شامی حکومت اور اس کے اتحادیوں کا دوبارہ قبضہ ہوچکا ہے۔
جنگجوؤں کیلئے حوثیو ں کے تحائف!
ابھا ۔ 9ستمبر ( سیاست ڈاٹ کام ) باخبر ذرائع نے بتایا کہ باغی حوثیوں نے گزشتہ 2ماہ کے دوران 86غیر ملکی جنگجوؤں کو یمن کی شہریت دیدی۔ ان میں ایرانی عسکریت پسند، حزب اللہ (لبنان) اور افریقی ممالک کے شہری شامل ہیں۔ حوثی غیر ملکی جنگجوؤں کو محاذ جنگ پر ہلاک ہوجانے والوں کی بیوہ خواتین سے شادیاں بھی کرا رہے ہیں۔