اتوار کو ایس اے ایمپریل گارڈن ٹولی چوکی میں مقرر ، جناب زاہد علی خاں صدارت کریں گے
حیدرآباد ۔ 20 ۔ مارچ : ( سیاست نیوز) : سیاست اور ملت فنڈ کے زیر اہتمام رشتوں کا دوبدو ملاقات پروگرام بروز اتوار 23 مارچ کو ایس اے ایمپریل گارڈن ٹولی چوکی میں منعقد ہوگا ۔ جناب زاہد علی خاں ایڈیٹر روزنامہ سیاست و سرپرست اعلیٰ ملت فنڈ صدارت کریں گے ۔ مہمان خصوصی کی حیثیت سے جناب محمد معین الدین صدر فیڈریشن آف ٹولی چوکی کالونیز مہمان خصوصی ہوں گے ۔ پروگرام میں کاونٹرس ایس ایس سی ، انٹر میڈیٹ ، بی ایس سی ، انجینئرنگ ، بی ایڈ ، بی کام ، ایم ایس سی ، ایم کام ، ایم بی بی ایس ، ایم ڈی ، بی ڈی ایس ، بی فارمیسی ، گریجویٹس ، پوسٹ گریجویٹس ، عقد ثانی ، تاخیر سے ہونے والے شادیوں کے ساتھ ساتھ معذور لڑکوں اور لڑکیوں کے لیے بھی کاونٹرس کا نظم رہے گا ۔ والدین اپنے ساتھ اس پروگرام میں آئیں تو وہ لڑکا اور لڑکی کے زائد بائیو ڈاٹا اور فوٹوز ساتھ رکھیں تاکہ رجسٹریشن کے علاوہ مشاورت کرنے میں آسانی ہوسکے ۔ دوران پروگرام آن لائن رجسٹریشن کاونٹر کے علاوہ لڑکوں کے فوٹوز اور بائیو ڈاٹاس کو کمپیوٹر کی مدد سے بتانے کی سہولت بھی رہے گی ۔ پروگرام شہر حیدرآباد کے علاوہ ملک اور عالمی سطح تک پہنچانے کے لیے راست ٹیلی کاسٹ یوٹیوب ، فیس بک اور سیاست ٹی وی کے ذریعہ ہوگا تاکہ بیرونی ممالک میں موجود افراد اس پروگرام کو دیکھ سکیں ۔ خالد محی الدین اسد کوآرڈینٹر پروگرام نے بتایا کہ پروگرام کے علاوہ سیاست دفتر کے احاطہ ملت فنڈ کے آفس میں لڑکوں اور لڑکیوں کے فوٹوز اور بائیو ڈاٹاس کے ذریعہ رشتوں کے انتخاب اور رجسٹریشن کے کروانے کی سہولت ہے ۔ استفادہ کرسکتے ہیں ۔ مزید تفصیلات کے لیے فون نمبر 9391160364 پر رابطہ کریں ۔۔
