ساوتھ سنٹرل ریلویز کی جانب سے دو منزلہ ٹرین کا آغاز

ساوتھ سنٹرل ریلویز کی جانب سے دو منزلہ ٹرین کا آغاز

حیدرآباد 13 ۔ مئی ۔( پریس نوٹ ) ۔ ساوتھ سنٹرل ریلویز کی جانب سے دو منزلہ (ڈبل ڈیکر) ٹرین کا کاچیگوڑہ ریلوے اسٹیشن سے آج صبح5:30 بجے آغاز ہو چکا ہے۔ 13مئی سے محکمہ کی جانب سے یہ اے سی ڈبل ڈیکر سوپر فاسٹ ٹرینیں کاچیگوڑہ تا گنٹور اور کاچیگوڑہ تا تروپتی ہفتہ میں دو بار چلائی جائیںگی۔اس ٹرین کے کل بارہ ڈبے ہونگے جس میں سے دو ڈبے بجلی پیدا کرنے کے لئے ہونگے۔ان نہایت ہی جدید ترین ڈبوں میں مسافروں کے حفاظتی اقدام کے طور پر آگ سے ہونے والے حادثہ سے بچنے کے لئے بہت ہی کار آمد آلہ نصب کیا گیا ہے۔ ان ڈبوں میںجملہ 120 نشستیں ہیںجن میں باب الداخلہ کی سطح پر 22 ، اوپر کی منزل پر 50 ، اور نیچے کی منزل پر 48 نشستیں ہیں۔ڈبوں کو خوبصورت اور آرام دہ بنایا گیا ہے اور کرایا بھی کسی بھی کرسیوں والی اے سی کار کے مماثل رکھا گیا ہے۔