ملبورن ۔ 20 اپریل (سیاست ڈاٹ کام) آسٹریلوی پولیس نے ملبورن میں دہشت گرد منصوبے کے الزام میں گرفتار پانچ افراد میں سے ایک نوجوان پر فرد جرم عائد کردیا اور 3افراد کو رہا کردیا گیا ہے۔ آسٹریلوی پولیس نے گذشتہ رات ملبورن شہر کے مختلف علاقوں میں سیکڑوں اہلکاروں نے چھاپے کے دوران پانچ افراد کو گرفتار کر لیا تھا۔ جن پر الزام تھا کہ وہ شدت پسند تنظیم داعش سے متاثر ہیں اور وہ اگلے ہفتے پہلی جنگ عظیم کی یاد میں تقریب کے دوران دہشت گرد حملوں کی منصوبہ بندی کر رہے تھے۔
