حیدرآباد۔25جنوری (یو این آئی) حیدرآباد میں سوائن فلو کا قہر جاری ہے اور کئی مریض اسپتالوں میں زیر علاج ہیں ۔ سوائن فلو کے پانچ معاملات کی تصدیق ہوگئی ہے ۔اس طرح سوائن فلو سے متاثر ہونے والوں کی تعداد اس ماہ 46 تک جاپہونچی ہے ۔ کئی مریض پرائیویٹ اور سرکاری اسپتالوں میں زیر علاج ہیں۔ شہریوں سے خواہش کی گئی ہے کہ وہ اپنا ہاتھ دھوئیں اور سردی ہونے پر گھرو ں میں ہی محدود رہیں ۔ ڈاکٹرس نے کہا کہ سردی ہونے پر متوازن غذا کا استعمال کیا جائے گا جس سے اس وائرس کو کنٹرول کرنے میں مدد ملے گی ۔ درجہ حرارت میں گراوٹ سے ایچ ون این ون وائرس پھیل رہا ہے ۔ گاندھی اسپتال میں سوائن فلو سے متاثر افراد کو علحدہ وارڈ میں رکھا جارہا ہے ۔ گزشتہ سال اگست سے اس سال جنوری تک کئی افراد سوائن فلو سے متاثر ہوئے ہیں۔ حیدرآباد اور رنگاریڈی میں سوائن فلو کے معاملات درج کئے گئے ہیں۔
