چھندواڑہ4دسمبر (سیاست ڈاٹ کام ) شنکرآچاریہ سروپانند سرسوتی نے مرکزی حکومت کی نوٹ بندی اور گڈز اینڈ سروس ٹیکس (جی ایس ٹی) لاگو کرکے ملک میں انقلاب لانے کے دعویٰ پر کہا کہ انقلاب حکومتیں نہیں لاتیں، بلکہ عوام انقلاب لاتے ہیں ۔شنکرآچاریہ نے کل یہاں ایک دھرم سبھا سے خطاب کرتے ہوئے کہا کہ شنکرآچاریہ کا عہدہ کوئی فائدہ کا عہدہ نہیں ہوتا ہے . سناتن دھرم میں علم حاصل کرکے معرفت حاصل کرنے والا شخص ہی سنت مھاتماو تربیت یافتہ ہوکر شنکرآچاریہ کے عہدہ پر فائز ہوتا ہے ۔شنکرآچاریہ نے عصمت دری کے بڑھتے واقعات پر تشویش ظاہر کرتے ہوئے کہا کہ قانون سے ان کو روکا نہیں جا سکتا ہے . مجرم کوئی نہ کوئی راستہ ان سے بچ نکلنے کا نکال ہی لے گا۔انہوں نے کہا کہ جرائم کو روکنے کا صحیح طریقہ یہ ہے کہ مذہب کی تعلیم دے کر ہی لوگوں کو جرائم سے دور رہنے کا ماحول بنایا جا سکتا ہے . لیکن حکومت کی مجبوری یہ ہے کہ وہ سناتن دھرم کی تعلیم دے گی تو لوگ کہیں گے کہ دوسرے مذاہب کی باتیں بھی پڑھاؤ.شنکرآچاریہ نے مزید کہا کہ لوگ ’منو سمرتی‘ کوغلط کہتے ہیں، لیکن منواسمرتی نے ہی بتایا ہے کہ مذہب کے کیا علامات ہوتے ہیں ۔ صبر، عفو ودرگذر، استحصال، غصہ پر کنٹرول، بزرگی، سچائی، پاکیزگی اور علم مذہب کے علامات ہیں۔ دوارکا پیٹھ کے شنکرآچاریہ کی حیثیت سے دوبارہ گدی نشین ہونے کے بعد پہلی بار شنکرآچاریہ سروپانند سرسوتی چھندواڑہ تشریف لائے ،جہاں شہر میں ان کی شوبھایاترا نکالی گئی، جس میں بڑی تعداد میں خواتین اور مرد شامل ہوئے ۔
