واشنگٹن۔ 3 ڈسمبر۔( سیاست ڈاٹ کام ) امریکی محکمہ خارجہ نے اس تاثر کی نفی کر دی کہ پاکستانی فوجی سربراہ جنرل راحیل شریف کے امریکہ میں طویل قیام کے پیچھے کچھ خفیہ محرکات تھے۔محکمہ خارجہ کی نائب ترجمان میری ہارف نے بریفنگ کے دوران بتایا کہ جنرل راحیل جب دو ہفتے پہلے آئے تو وزیر خارجہ جان کیری ملک سے باہر تھے، جس پر دونوں جانب سے 30 نومبر کو ملاقات طے کی گئی۔میری نے بتایا کہ جنرل راحیل جب امریکہ آئے تو سکریٹری کیری یورپ کے دورے پر تھے۔جب ان سے پوچھا گیا کہ پاکستان میں سنگین سکیورٹی صورتحال کے باوجود آرمی چیف ملک سے اتنا عرصہ دور کیوں رہے تو میری نے جواب دیا ’’میں اس پر کوئی تبصرہ نہیں کر سکتی‘‘۔
