نیویارک ۔ 10جون ( سیاست ڈاٹ کام ) قوام متحدہ کی جنرل اسمبلی میں رائے شماری کے نتیجے میں جرمنی، بلجیم، جنوبی افریقہ، ڈومینیکن ریپبلک اور انڈونیشیا سلامتی کونسل کے غیر مستقل اراکین منتخب ہو گئے۔ غیرملکی میڈیا کیمطابق یہ ممالک سلامتی کونسل میں اپنی نشستیں یکم جنوری 2019سے سنبھالیں گے، انڈونیشیا نے سلامتی کونسل کی رکنیت کے لیے ہونے والی ووٹنگ میں مالدیپ کے 46 ووٹوں کے مقابلے میں 144ووٹ حاصل کیے۔ جرمنی، بیلجیم، جنوبی افریقہ اور ڈومینیکن ریپبلک بلا مقابلہ منتخب ہوئے۔ بلا مقابلہ منتخب ہونے کے باوجود ضوابط کے تحت جنرل اسمبلی کے دو تہائی ارکان نے سلامتی کونسل کی رکنیت کے لیے ان ممالک کی توثیق کی۔ جمعے کو جنرل اسمبلی کے اجلاس میں 190 ممالک شریک تھے۔
