ٹوکیو،19اپریل (سیاست ڈاٹ کام) جاپان کے جنوبی جزیرہ کیوشو پر 4258فٹ کی اونچائی پر واقع آئی او نامی آتش فشاں آج اچانک پھٹ گیا اور دھواں اور پگھلی ہوئی چٹانوںکا اخراج ہونے لگا۔ آتش فشاں پھٹنے سے کسی جانی نقصان کی اطلاع نہیں ہے ۔ٹی وی چینل پر مناظر میں ٹوکیو سے 985کلومیٹر دورکریشیما پہاڑی سلسلہ پرکئی جگہوں پر سیاہ دھوئیں کا غبار نکلتاہوا دیکھا گیا۔ جاپان کی موسم ایجنسی نے آئی او لاما کی وارننگ کی سطح دوسے بڑھاکر 3کردی ہے ۔ایجنسی نے وارننگ دی ہیکہ آتش فشاں کی چٹانیں دوکلومیٹر دورتک گرسکتی ہیں۔ جاپان میں 110سرگرم آتش فشاں ہیں اور ان میں سے 47کی شبانہ روز نگرانی کی جاتی ہے ۔
