تیونس 25 نومبر (سیاست ڈاٹ کام) صدر تیونیشیا بیجی کائدا سیبی نے صدر کی حفاظت کرنے والے گارڈس کی بس پر کئے گئے بم دھماکہ کے بعد دارالخلافہ میں ایمرجنسی اور کرفیو کا اعلان کردیا ہے۔ بم دھماکے میں 12 افراد کی ہلاکت کی خبر ہے۔ دریں اثناء جائے واردات پر موجود ایک سکیوریٹی ذریعہ نے بتایا کہ بس میں موجود تقریباً گارڈس ہلاک ہوگئے۔ یاد رہے کہ تیونس میں 2011 ء کے انقلاب کے بعد یہ ہمیشہ جہادیوں کے نشانہ پر رہا ہے۔ کل ہوئے بم دھماکے کی البتہ کسی فرد یا تنظیم نے ذمہ داری قبول نہیں کی ہے۔ زخمیوں کی تعداد 20 بتائی گئی ہے۔ بم دھماکہ جس مقام پر ہوا اُس کا نام محمد V ایونیو ہے اور اس وقت وہاں 26 واں کار تھیج فلم فیسٹیول زور و شور سے جاری تھا۔ اسیبسی نے آج اپنا دورۂ سوئٹزرلینڈ منسوخ کردیا اور ملک بھر میں ایمرجنسی کے نفاذ اور دارالخلافہ میں کرفیو کے نفاذ کا اعلان کردیا۔ تیونس بم حملہ میں 10 کیلو دھماکو اشیاء استعمال کی گئی تھی۔ کل کئے گئے اس دھماکہ میں کم از کم 12 افراد ہلاک ہوئے تھے ۔
