حیدرآباد۔6جولائی( سیاست نیوز) محکمہ موسمیات نے پیش قیاسی کی ہے کہ تلنگانہ میں آئندہ 24گھنٹوں کے دوران موسم خشک رہے گا اور بعض مقامات پر ہلکی بوندا باندی ہوسکتی ہے ۔ تلنگانہ کے اکثر علاقوں میں آج بھی موسم خشک رہا ۔ آندھراپردیش کے اضلاع کرشنا ‘ گنٹور ‘ نیلور اور پرکاشم میں آئندہ 24 گھنٹوں کے دوران گرمی کی شدت رہے گی ۔ تاہم رائلسیما کے بعض مقامات پر آئندہ دو دن کے دوران ہلکی بارش ہوسکتی ہے ۔ حیدرآباد اور اطراف کے علاقوں میں مطلع عام طور پر ابرآلود رہے گا ۔ زیادہ سے زیادہ درجہ حرارت 36 ڈگری اور کم سے کم 25 ڈگری سلسیس رہے گا ۔
