انقرہ،26اپریل(سیاست ڈاٹ کام) ترک حکام نے بتایا ہے کہ جاریہ برس جنوری سے اب تک کے عرصے میں 30 ہزار افغان مہاجرین ترکی میں داخل ہوئے ہیں۔ ترک وزیر داخلہ سلیمان سوئلو نے مہاجرین کی آمد کی تفصیلات دارالحکومت انقرہ میں بیان کیں۔ سوئلو کے مطابق اپریل سے اب تک سات ہزار سے زائد افغان مہاجرین کو واپس ان کے ملک روانہ کیا جا چکا ہے ۔ دوسری جانب انسانی حقوق کی بین الاقوامی تنظیم ایمنسٹی انٹرنیشنل نے انقرہ حکومت کی افغان مہاجرین کو وطن واپس بھیجنے کی پالیسی کی مذمت کی ہے ۔ ایمنسٹی نے افغان مہاجرین کی جبری واپسی کے عمل کو انتہائی سفاکانہ قرار دیا ہے ۔
