استنبول /28 اپریل (سیاست ڈاٹ کام) ترکی کے پرسیکیوٹر جنرل نے 2016ء میں حکومت کے خلاف ہونے والی ناکام فوجی بغاوت میں ملوث ہونے اور امریکا میں جلا وطن رہنما فتح اللہ گولن کی جماعت سے تعلق کے الزام میں 210 ترک فوجیوں کی گرفتاری کا حکم دیا ہے۔ خبر رساں اداروں کے مطابق ترک پراسیکیوٹر جنرل کی طرف سے جمعہ کے روز جن فوجیوں کی گرفتاری کے وارنٹ جاری کیے گئے ہیں، ان میں فضائیہ، نیوی اور بری فوج کے ساتھ کوسٹ گارڈ سے تعلق رکھنے والے اہل کار بھی شامل ہیں۔
اعداد شمار کے مطابق ان میں سے 5 کرنل، 7 لیفٹیننٹ کرنل، 14 میجر اور 33 کیپٹن شامل ہیں۔
